kung puno ang ang iyong dibdib
ng mga damdaming
umaagos ang pananabik
nababawasan man
subalit laging may dagdag
ang daloy ng inspirasyon
ay nakababagabag
kailangang isulat
mga nilalaman
ng pusong balisa
at malikot na isipan
walang pinipiling oras
kahit nasaan man
dapat maisilang
ang nararamdaman
di matatahimik
laging may laman ang isip
kahit diwa’y gising
maging sa panaginip
ang mga titik
kapag nagtipon tipon
di kayang ipagpaliban
mga pagkakataon
hanggang may nakikita
at may naririnig
di mapipigilan
ang pakikipagniig
ng titik sa damdamin
hanggang sa mabuo
ang nilikhang katha
na hinulma sa puso
magkakaroon ng buhay
ang nabuong tula
buhay na kailanman
ay di mawawala
magbunga man ng tuwa
o malalim na sugat
di kailanman ako titigil
sa aking pagsusulat
RMP
6/24/2013
No comments:
Post a Comment