Maraming bahagi lagi kang may masasagi
Kailangang pumili pero di kailangang magmadali
Huwag patatali kung ramdam mong may mali
Kung kailangang kumalas tiisin mo ang hapdi
Kailangang pumili pero di kailangang magmadali
Huwag patatali kung ramdam mong may mali
Kung kailangang kumalas tiisin mo ang hapdi
Sigurado talagang may madedehado
Minsan magsisiksikan pag kulang ang espasyo
‘wag masyadong magalak kung ikaw ay liyamado
Minsan ang kapalaran ikaw ay ilalampaso
Minsan magsisiksikan pag kulang ang espasyo
‘wag masyadong magalak kung ikaw ay liyamado
Minsan ang kapalaran ikaw ay ilalampaso
Asahan mo may mga hahalakhak
Lantad o palihim may mga magagalak
Papalakpak sila kapag ikaw ay pumapalpak
Mali na nga ang kwento andami pang dagdag
Lantad o palihim may mga magagalak
Papalakpak sila kapag ikaw ay pumapalpak
Mali na nga ang kwento andami pang dagdag
Tuloy lang kahit ramdam mo na nasasagad
Pag nadapa bumangon ituloy ang pag-usad
Kahit saan man mayroon talagang manlalaglag
Kaya matuto ka na tumindig at pumalag
Pag nadapa bumangon ituloy ang pag-usad
Kahit saan man mayroon talagang manlalaglag
Kaya matuto ka na tumindig at pumalag
Kung hindi na angkop matutong bumukod
Ang pakikisama huwag idadaan sa takot
Kahit nag-iisa maghanda kang pumalaot
Kasama sa sakripisyo ang banta ng paglubog
Ang pakikisama huwag idadaan sa takot
Kahit nag-iisa maghanda kang pumalaot
Kasama sa sakripisyo ang banta ng paglubog
Laban lang, hayaan mo ang panahon
Mundo ay umiikot may tamang pagkakataon
Kung nahihirapan man sa sitwasyon mo ngayon
Umasa ka’t di ka pababayaan ng ating Panginoon
Mundo ay umiikot may tamang pagkakataon
Kung nahihirapan man sa sitwasyon mo ngayon
Umasa ka’t di ka pababayaan ng ating Panginoon
Kung kailangang umatras o magpalit ng landas
Gawin mo ito hindi dahil sa ikaw ay patakas
Minsan kailangang mag-ipon muli ng lakas
Upang sumagupa sa mga along humahampas
Gawin mo ito hindi dahil sa ikaw ay patakas
Minsan kailangang mag-ipon muli ng lakas
Upang sumagupa sa mga along humahampas
Buhay ay hindi pantay kaya ikaw ay masanay
Hindi ka ililigtas ng mga opinyon at palagay
Wala ring mangyayari kung laging maghihintay
May mga bagay din na di pwedeng sabay-sabay
Hindi ka ililigtas ng mga opinyon at palagay
Wala ring mangyayari kung laging maghihintay
May mga bagay din na di pwedeng sabay-sabay
Hinay-hinay kung sa tingin mo pagod ka na
‘wag magpakabaliw kung di kaya ng konsensiya
Wag nang magdrama sa halip ay lumarga
Kung bigo sa mga nauna marami pa namang iba
‘wag magpakabaliw kung di kaya ng konsensiya
Wag nang magdrama sa halip ay lumarga
Kung bigo sa mga nauna marami pa namang iba
Mahirap magtiwala kaya wag agad maniniwala
Hindi lahat ng makakasama tapat sa pakikibaka
Sila iyong biglang nawawala kapag ikaw ay nadapa
Gagamitin ka lang kapag mayroong mapapala
Hindi lahat ng makakasama tapat sa pakikibaka
Sila iyong biglang nawawala kapag ikaw ay nadapa
Gagamitin ka lang kapag mayroong mapapala
Manalig at makinig sa tunay na kapanalig
Buksan ang puso at isip sa Diyos ay sumandig
Huwag nang ipilit kung hindi na kayang makamit
Paano makakalaya kung ikaw mismo ang nagtatakip?
Buksan ang puso at isip sa Diyos ay sumandig
Huwag nang ipilit kung hindi na kayang makamit
Paano makakalaya kung ikaw mismo ang nagtatakip?
Laban lang, hayaan mo ang panahon
Mundo ay umiikot may tamang pagkakataon
Kung nahihirapan man sa sitwasyon mo ngayon
Umasa ka’t di ka pababayaan ng ating Panginoon
Mundo ay umiikot may tamang pagkakataon
Kung nahihirapan man sa sitwasyon mo ngayon
Umasa ka’t di ka pababayaan ng ating Panginoon
RMP
01-30-21
Winnipeg MB Canada
01-30-21
Winnipeg MB Canada
