araw-araw may bago
di magkamayaw
di makuntento
sa dami ng nakikita
maraming pagpipilian
kahit saan tumingin
kaliwa, gitna o kanan
pindot sa keyboard
pindot sa keypad
click sa mouse
panay ang touch sa iPad
anong latest sa FB,
at trending sa tweeter ngayon?
laging tayong nakabantay
laging nag-iipon
kailangang humabol
kailangang makasunod
di kailangang mahuli
kailangang magpatianod
sa agos ng teknolohiya
sa dikta ng pagbabago
kahit hindi angkop
sa pangangailangan mo
hirap ang katawan
nalilito ang isipan
alin ang uunahin?
ano ang titingnan?
tekno stress ang tawag
sa sitwasyon natin ngayon
sitwasyong dala-dala
ng makabagong henerasyon
RMP
Revised 11-25-11
No comments:
Post a Comment