nilukuban ng init
ang malamig na kalamnan
habol ang hininga
unti-unting lumilipad
ang diwa tungo sa kawalan
mahigpit ang kapit
madiin ang bawat indayog
tila sumasabay sa ritmo ng isang sayaw
ang bawat kilos at galaw
bumibilis ang tibok ng dibdib
lumalakas ang ingay ng pananabik
tumatakas panandali ang katinuan
hindi maintindihan ang nararamdaman
ilang ulit na ba itong naganap?
subalit ganun pa rin
pananabik di kayang sulitin
laging uulit-ulitin
hahanap-hanapin
bukas ang pandama
nakapinid ang mga mata
pilit na sasairin ang mga nadarama
hanggang mapagtanto ano nga ba ang nakuha
katawan lang ba o buong kaluluwa?
RMP
9/17/2013
No comments:
Post a Comment