Kahit sa pag-idlip larawan ay nasisilip
Hindi kayang itago ng mga pagtatakip
Pananabik na nadarama ng puso at isip
Nilalabanan subalit laging nariyan
Katok sa damdamin ay pangkaraniwan
Kahit makapangyarihan ang sinasandalan
Laman ng ala-ala ang aking munting bayan
Kaya bang ipagpalit kung sa puso nakaguhit
Ang pagkakakilanlan na hinulma ng pag-ibig
Kaya bang higitan ng yamang makakamit
Ang ligaya ng puso sa bawat pagbabalik
Di maipagkakaila mga nararamdaman
May mga pagkakataong hindi malilimutan
Lumayo man ng matagal lagi kang nariyan
Sa iyo pa rin magbabalik puso, isip at katawan
RMP
1/6/2018
Winnipeg MB Canada
No comments:
Post a Comment