FROSTBITE

kinain ng sobrang lamig
ang nalalabing init
wala nang nararamdaman
unti-unting namamanhid
nagbabanggaan na
ang puso at isip
kahit ang nakatago
mukhang di masasagip

kapag ipinagpatuloy
mas nakakabahala
ang sugat na tinamo
maaaring pang lumala
kailangan bang masaktan
upang magtanda
kaya kung magtatangka
siguruhing laging handa

ang hiram na init
ay madaling mapawi
bigyan mo lang ng puwang
ang lamig kahit sandali
ganun din ang taong
laging nagbabakasakali
mas madalas humahantong
sa mga pagkakamali

hindi lahat ng laban
ay may kabuluhan
ang lakas na taglay
ay mayroong hangganan
subalit minsan
kailangan ang masaktan
upang muling lumingon
sa pinanggalingan

RMP
1/12/2018
Winnipeg MB Canada