tamang inip habang bulsa ay gipit
palipas oras habang nag-iisip
ano ang sasabihin
may sense ba o wala
ah bahala na
dapat may magawa
nakatitig sa screen
at sa cursor na itim
habang nag-iisip
ano ba ang susulatin
sandali lang muna
FB ay sisilipin
tingnan kung nadagdagan
mga nag like sa akin
siya tirada na
piliin na ang mga letra
unti-unti nang buuin
ang ritmo’t mga bara
ok lang sa akin
kung meaning ay di malalim
sabi nga palipas oras
habang di pa kumakain
nag-iisip na ng paksa
habang problema ay dagsa
ano ang latest isyu
yung hindi nakakasawa
langya lalo yatang
wala akong magagawa
bukod sa Covid 19
pare-pareho ang balita
ganun pa rin kasi
laging paulit-ulit
patayan, nakawan
nahuli ang kabit
tinanggihan sa ER
mahirap na maysakit
eleksyon na naman
batuhan na ng putik
damn it!
matatapos na ang beat
wala pa ring sense
aking nais ipabatid
mabuti pa siguro
wag na lang umimik
kumuha ng kutkutin
manood na lang ng Netflix
buhay migrante
minsan hindi kampante
nahohome sick
lalo na kapag Disyembre
kaya nga siguro
ako nagkakaganito
kulang na sa takbo
nasa Pinas pa ang isip ko
ngayon may sense na
kahit palipas oras lang
at least nailabas
ano nga ba ang kulang
sakto na sa siguro
pede nang huminto
nailabas na kasi
kinikimkim ng puso
naka 2 pages din
kahit hindi malalim
pede na sigurong
tumigil at kumain
pampalipas oras
mga tugma’y inilabas
sandaling pinalaya
diwang nag-aaklas
RMP
Revised 12/18/21
11/16/19
Winnipeg MB Canada
No comments:
Post a Comment