KARMA

(Bunga ng mga napanood na episodes kay Raffy Tulfo)

Nadala sa pick up lines
Ngayon ay humuhugot
Madaling mapaniwala
Ngayon ay natatakot
Sobrang kasing umasa
Ngayo’y nganga at dedma
Meron na kasing kinakain
Tumikim pa ng iba

Sinabi na kasi
Walang kadala-dala
Kailangan pang magtago
Para iwas sa hinala
Pero bistado na
Diskarte ay alam na
Meron na kasing hawak
Gusto pa dumalawa

Bilis ng balik
Ngayon pahalik-halik
Kunyari pa raw
Ay may pananabik
Lumang tugtugin na
Pinagbigyan ka lang
Kahit anong gawin
Laging may pagkukulang

Wag maglaro
Kung ayaw na mapaso
Ligayang panandalian
Mabilis na maglalaho
Aba mag- isip isip
Kahit na may takip
Pag baho’y sumingaw
Ikaw ang magigipit

Dating kaklase
Nakita sa reunion
Bumalik ang nakaraan
Ayun agad naghamon
Kunyari kumustahan
Pero may namamagitan
Isang pindot lang
Bagsak na ang Bataan

Kasama sa trabaho
Sabay mag lunch out
Kung maka protect
Daig pa ang Boy Scout
Laging magkasama
May sharing pa ng drama
Ang palagiang topic
Mga problema sa asawa

Na meet sa FB
Naakit sa profile pic
Winner ang wankata
Sasabog ang dibdib
Pekeng account
Agad na binuksan
May secret convo pa
Ngayon na nalalaman

Nasa ibang bansa
Micro cheating ang simula
Ang pabeso beso
Naging higa at padapa
Ngayon nirereklamo
Sa programa ni Raffy Tulfo
Nakabuyangyang sa lahat
Alam na ng buong mundo

Karma is a bitch
Palaging tatandaan
Kaya trending si Tulfo
Dahil sa mga kataksilan
Sa dami nga raw
Ng mga nabibistong kabit
Pwede na silang magbuo
Ng isang partylist...

RMP
11/17/19
Winnipeg MB Canada