PANDORA'S BOX

inilantad ang sisidlan
takip ay binubuksan
itinagong mga laman
ngayon ay tinitingnan

laman ng sisidlan
sandamukal na yaman
na pinaghahatian
ng mga kawatan

maiitim na lihim
na itinago sa dilim
yan ang iniingatan
ng mga salarin

di sila papayag
na basta mawala
laman ng sisidlan
na pampataba

kaya humanda
sa pakikihamok
mga diablo’y
magbabantay
sa kanilang
inimpok

pakasigurado
sa mga balak na gawin
pag mga diablo'y nagsamasama
baka di na sila kayang puksain

RMP
08/27/2013
edited 12/01/2014