magkatunggali matindi ang gitgitan
hangad ay panalo para sa kanilang koponan
di padadaig kahit na masaktan
dibdib sa dibdib banggaan kung banggaan
ang bumangga giba kapwa di patitinag
magkapalit man ng mukha magkakasubukan ng tatag
muscle sa muscle tibay sa tibay
hanggang sa huling Segundo walang bumibigay
ganyan sila noon pero iba sila ngayon
nang dahil sa bayan parehong sumasang-ayon
magkalaban man noon magkaibigan naman ngayon
kung para sa bayan sabay sila sa pag-ahon
kapwa pusong pinoy pinag-isa ng layunin
maipanalo ang laban pinag-isang hangarin
pinagsamang mga puso pinagsama-samang lakas
sa bawat pakikihamok ito ang bitbit nilang armas
ngayon ay magkasama sa hirap at ginhawa
sa agos ng pagsubok ay hindi padadala
matitibay na dibdib ngayo’y magkakapit-bisig
nagkakaisa sa laban ng bayang iniibig
GO GILAS! LABAN PILIPINAS!
RMP
8/11/2013
No comments:
Post a Comment