Moderator..
Mga Ka FB Mag-ingay!!!
Heto na ang pinakahihintay
Campaign managers pinagsabay
Kanya-kanya na kayong sakay
Fight!
Round 1
Kiko
Lumabas na ang resulta panalo na kayo
Marami pa kasing mga tanga at bobo
Di bale kapag bayan ay nagka letse letse
Sa huli kayo rin ang tatawaging peste
Kahit natalo meron pa ring dignidad
Hindi tulad nyo nanaig dahil sa bayad
Sa simula palang halata na ang balak
Resulta ng surveys ay gamit pang hatak
Hugpong o ulupong? malalaman ng bayan
Ang mga kandidato nyo ay tuta lang naman
Sigaw na pagbabago ay di makatotohanan
Malamang sa senado ay sunud-sunuran
Sa credentials pa lang lamang na kami
Pero yung sa inyo wala namang sinabi
Dinaan nyo sa bulagas kaya may kumampi
Pero di bale nasa huli ang pagsisisi
Time!
PACMAN
Ah ganern! You’re absolutety wrong
Matapos ma knocked out kami na ang ulupong
Nasaktan ba ang pride kaya di maka move on
Simple lang ang sagot ko salamat sa panginoon
Hindi kita aawayin di ko ugali yan
Pero kung sa boxing ring di kita uurungan
Masyado nyo kasi kaming inunder estimate
Kaya ang naging resulta kayo ang na checkmate
Lagi na lang hamon ay debate! debate!
Sino ngayon ang talunan at na mate
Panay kasi kayo ngawa nang ngawa
Mga achievements nyo panay lang sa salita
Pa intelektwal ang dating may laude laude pa
Kala mo ang katalinuhan sa inyo lang talaga
Pero pag dating sa isyu ng Luisita at Yolanda
Kahit katiting hindi kayo makatira
Time!
Round 2
Kiko
Luisita, Yolanda wala na bang iba?
Kaya ayaw ng debate kasi walang ibubuga
Playsafe lagi ayaw mababanggit ang China
Laging bitbit ay death penalty at droga
Wala namang ebidensiya sa mga akusasyon
Yung amo nyo sobra kung makapaghamon
Nagdeklara ng gyera dahil lang sa basura
Pero ipinamimigay naman mga teritoryong isla
Dinadaan nyo lang kasi sa popularidad
Habang mabango sige panay ang banat
Panay personal mga biradang wagas
Hintayin nyo na lang panahon ng pag-aaklas
Basta kami tuloy lang ang laban
Patuloy namin kayong babantayan
Hindi man kami ang ihinalal ng sambayanan
Sabi nga ni erap weather weather lang yan.
Time!
PACMAN
Ah weather weather ba kamo?
Eh laki ng kinita nyo nung Leyte ay binagyo
Ilang weather na ba ang dinaanan nyo
Pero sinayang nyo lang ang tiwala ng tao
Mag-inang Presidente, naka-dalawa na kayo
Pero ano ang resulta ng mga ginawa nyo
Yung isyu ng China sa inyo pa yan
Yung reklamo sa UN panakip butas lang
Yung basura ng Canada sa time ninyo pa yan
Wala kayong ginawa pinagkibit balikat lang
Yung mga teritoryo na sabi nyo ay pinamimigay
Sino ba nagpunta sa China para tumanggap ng lagay?
Personal na tira daw eh ano ang tingin nyo kay Jim
Imoral daw si D30 pero sino ang may ka chat na lihim
Ewan ko nga lang kung makakabalik pa kayo
Eh yung otso diretso nyo diretso na sa inidoro
Time!
Round 3
Kiko
Noted lahat ng sinabi mo magre group lang kami
Mag loyalty check ng natitirang kakampi
Reresbak kami andyan pa na naman si Madam Leni
May hatak pa rin ang beauty nya kaya muling magpapadami
Wag masyadong magsasaya at baka maudlot
Panalo nyo ngayon dadaan sa mga pagsubok
Mga kaalyado sa senado di sa inyo matatakot
Sa Kongreso may suporta pa ring mahahakot
Nakakaawa ang bayan sa inyo ngayon aasa
Eh ang bansa naman binebenta na sa China
Walang ibang maipagmalaki kundi laban sa droga
Ang ekonomiya ng bansa ay talagang dapang-dapa
Mga kaalyado ay kurakot at magnanakaw
Pati edukasyon imbento at hilaw
Ang mga utak at katwiran ay kaylalabnaw
Ipapakain nyo sa bayan ay tutong at bahaw
Time!
PACMAN
Mr. Noted ka nga yan ang popular mong linya
Noong panahon na himod ka pa kay Gloria
Sige loyalty check pa more meron pa ngang natira
Pero sisiguruhin ko sa yo mababawasan pa sila
Natural na masaya kasi nanalo silang lahat
Napigilan namin ang lagim na inyong ikakalat
Inaamin namin na dadaan kami s pagsubok
Pero di kami takot sa senador nyong laging inaantok
Kung magsalita parang di nagdusa sa inyo ang bayan
Sa Yolanda funds pa lang sambot na kayo sa puhunan
Dagdag mo yung mga hindi pinagbayad ng buwis
Mga isyu sa Hacienda pilit nyong nililihis
Ayaw sa inyo ng mayorya yan ang totoo
Sila yung binansagan nyo na mga tanga at bobo
Malabnaw ba ang utak pero ikaw ay tinalo
Degree holder nilampaso ng isang boksingero
Time!
Itutuloy…pag may time…
RMP
5/26/19
Winnipeg MB Canada
No comments:
Post a Comment