"NA ANO LANG"

Para lang jackpot en poy o kaya ay bulagaan
Seryosong usapan babahiran ng kalokohan
Lighter note nga ba ang gawing katatawanan
Ang estado ng babae na ayon sa street language lang

Mababaw na tanong, malalim na tugon
Patuloy pa rin ang kinamulatang tradisyon
Kapansin-pansin pa rin ang mga kontradiksiyon
Sa maling kaisipan kahit mambabatas ay umaayon

‘Na ano’ lang naman, maliit na bagay
Pero yung ‘nang ano ‘hayun at pakaway-kaway
‘Na ano’ lang naman kapag single at may anak
Pero yung ‘nang ano’ may high five at palakpak

Patriyarkang lipunan  at kaisipang 'machismo'
Kapag kinasuhan mauubos daw ang abugado
Kapag ganito ang pananaw ng mga nasa kongreso
Meron pa nga bang aasahan na mga pagbabago

May mga magsasabing bakit palalakihin pa
Biro lang naman ang mga sinasabi nila
Kung ikaw ay mambabatas dapat sensitibo ka
Sa pagbasag sa maling kaisipan dapat sila ang nauuna

‘Na ano’ lang naman, maliit na bagay
Pero yung ‘nang ano ‘hayun at pakaway-kaway
‘Na ano’ lang naman kapag single at may anak
Pero yung ‘nang ano’ may high five at palakpak

RMP
5/3/2017
Winnipeg MB Canada