ang dikta ng pagkakataon
hakbang ay patungo sana
sa itinakdang panahon
subalit ang tadhana
ay sadyang mapaglaro
kanyang paghihiwalayin
mga damdaming pinagtagpo
landas ay patungo
sa mga sangandaan
isip ay malilito
tanong ng puso ay saan
bitbit ang nabuong bigat
ng naglalahong pangarap
ang pagbibigay ng laya
minsan ay mapagpanggap
maubos man ang luha
huminto man ang pag-iyak
sa kaibuturan ng puso
katotohanan ay tiyak
pumalaot man sa kawalan
damdaming pinaghiwalay
puso ay di mapapagod
laging handang maghintay
RMP
11/27/2015
Winnipeg MB Canada
No comments:
Post a Comment