Paulit-ulit lang hindi malilimutan
Kapag laging naiisip at nararamdaman
Hindi mapapatid balisa lagi ang dibdib
Pabalik-balik lang ang gumuguhit na sakit
Hindi umayon sa hanap na pagkakataon
Mga pagkakamali dahan-dahang naiipon
Mga inaakala hindi na mangyayari pa
Ibabalik ng paglisan mga hinulmang alaala
Paalam, ikaw ay hahayaan
Katahimikan mo ay aking kalayaan
Payapa na ang dagat maari nang maglayag
Wala nang babagabag sa maghapo’t magdamag
Kapatawaran sa mga pagkakamali
Hindi naman sinasadya ang pagbabakasakali
Hindi na masasagot bakit hindi na nag-abot
Ang agwat sa pagitan lumikha ng mga takot
Magkabilang panig, magka-iba na ang daigdig
Iba na ang makikita, iba na ang maririnig
May lumisan, may naiwan dahil sa pising napatid
May mga pahina ng buhay na kailangan nang ipinid
Paalam, ikaw ay hahayaan
Katahimikan mo ay aking kalayaan
Payapa na ang dagat maari nang maglayag
Wala nang babagabag sa maghapo’t magdamag
RMP
2/26/2017
Winnipeg MB Canada
No comments:
Post a Comment