PEYSBUK

Di makali kapag hindi makapag bukas
Ilalagay sa status o update kailangang mailabas
Ulam ba sa agahan, tanghali o hapunan
O kaya’y pics sa mga lugar na pinanggalingan

Solo pics na iba iba ang mga posing
Videos na napanood nakalaan for posting
Bdays, anniversaries, outing at mga binyagan
Graduation, parties, kasalan at mga lamayan

Family pics, medals, iba’t ibang awards
Bagong gadgets man at approved na credit cards
Pics sa fastfoods, sosing resto at iba pang gimikan
Name it, they have it everything under the sun

Sa bahay, sa iskul, simbahan at mga opisina
Sa oras ng trabaho at pamamahinga
Sisimple di mapigil kailangang malaman
Kung may naglike sa mga comments at posted na larawan

Invite, confirm, like, share and promote
Okey na venue pag gustong mag emote
Anger, angsts, frustrations pati kulo ng tyan
Antok, pagod, sakit, tagiyawat pati na ang an-an

Lagay ng lagay malalim o mababaw man
Kailangang magparami ng mga kaibigan
Pag may bago ilagay at palitan ang luma
What’s on your mind ipaalam sa madla

Farmville, friends for sale, pet society
Candy crush, mafia wars daming activity
Quotable quotes, sayings hiram man o sarili
Tag, untag, like, unlike, invites na nakakakunsumi

Pag personal ang mensahe ay chat ang gamit
Sa notifications tyak pag click ay malimit
Gamit sa negosyo pabango, sapatos o damit
Malayo man ay napag lalapit

Travels, competitions, mga adventures
Laging may space sa updates and features
Bagong kotse, bagong bahay at bagong buhay
Bagong syota, bagong patama sa mga kapitbahay

Kontrobersya artista man o pulitiko
Pasaring sa kapwa karaniwan na dito
Patama sa kaaway, tirada sa gobyerno
Laki ng space para sa palakihan ng ego

It seems unlimited pwedeng ilagay
May sense man o wala posting panay panay
Trip trip lang ang iba, seryoso ang karamihan
Basagan ng trip pati na ang laglagan

Lahat ng nasabi ay obserbasyon lang
Kayo na magdagdag kung anuman ang kulang
Reality check ito at hindi paninira
Sa space ng PEYSBUK dami tayong maipupunla

Yun nga lang dapat maging responsable
Ingat sa ilalagay wag basta dale ng dale
Bawat posting mo ay posibleng repleksyon
Ng pagkatao mo at nang iyong posisyon

5/26/2013
RMP