KUNG KAILAN…DI KO PA ALAM

marami akong nais sabihin
subalit wala akong lakas
tiwala sa sarili
unti-unting naaagnas
pinipilit kong limutin
idinulot na sakit
subalit makapangyarihan
dikta ng puso at isip

may digmaang nagaganap
may mukhang nagpapanggap
damdami’y naghahanap
sa kasagutang napakailap.
kailan ako makalalaya
sa bilangguang ito?
kailan ko matatagpuan
nawawalang piraso?

kung kailan … di ko pa alam
kung kailan … di ko pa alam

tiwala ay dinurog
ng mga pagtatakip
pagkukunwari ang siyang
naging tagasagip
luha’t pagsusumamo
ang nagsilbing kalasag
upang gapos ng sakit
unti-unti mong makalag.

ngunit katahimika’y
daglia’t pansamantala
kirot ay nagbabalik
sa bawat sulyap ng alaala
langit ay didilim
ang ulan ay bubuhos
ang paghihinagpis ng puso
kailan kaya matatapos?

kung kailan … di ko pa alam
kung kailan … di ko pa alam

RMP
1-14-03