BIKTIMA

libong salita
libong pangako
dami nang biktima
dami nang ipinako
lahat umaasa
sa biyayang dala-dala
kaligtasan daw
sa mga pagkakasala

dasal, basbas
para sa kaligtasan
dalang pangako
buhay na walang hanggan
mundoý itakwil
yakapin ang totoo
ibigay ang tiwala
nang maligtas sa impiyerno

kami ang tunay
kami ang daan
wag kalimutan
tradisyong kinagisnan
isakripisyo mo
pag-aari’t karapatan
nang mapasaiyo
buhay na walang hanggan

libong salita
milyon ang biktima
ilan ang yumayaman
marami ang nagdurusa
diyos ang bukambibig
diyos ang ginagamit
ang mga biktima
amen lagi ang sambit

RMP
7-01-06