habang puno pa rin ng galit ang damdamin ko
gulo ang nakikita kahit saan man mapadako
laging nagtatanong may hangganan ba ito?
may mga pinuntahan kaliwa, gitna at kanan
mga sinamahan may nakaaway at nakaibigan
nagsaya, nalungkot at napasabak sa gulo
nanggamit, nagpagamit,nanggago’t ginago.
nais ko sanang makita ang nakikita mo
ayaw ko nang matanaw larawang makamundo
iparamdam mo sa akin ang kaalamang sapat
paano ba ako magiging karapat-dapat?
nais kong magbago, nais kong lumaya
nais kong bumangon sa pagkakadapa
handa na akong makita ang dapat kong gawin
dala mong himala handa ko nang tanggapin.
RMP
7-1-06
revised 11/25/16
Winnipeg MB Canada
No comments:
Post a Comment