UGAT

nais kong balikan ang nakaraan
upang tuklasin limot na kasaysayan
nais kong tahakin nilakbay nilang daan
nang maidugtong ko buhay na kinagisnan

pagkakakilanlan na hinulma ng panahon
karanasang kaytagal na inipon
di sapat kahit mga pagkakataon
upang yakapin nakagisnang panginoon

kamalayang nilikha ng banyagang diwa
sumasalamin sa lipunang isinumpa
ugat na pinagmulan lantarang tinalikdan
daang tinatahak patungo sa kanluran

limot na ang ugat ng pagkakakilanlan
wala na ang apoy ng ating kasarinlan
kathang isip na lamang tunay na kasaysayan
liwanag ng katotohanan tinakpan na ng karimlan

RMP
7/7/2013