RANDOM # 92

“On many issues, empathy can pull us in the wrong direction. The outrage that comes from adopting the perspective of a victim can drive an appetite for retribution.” Paul Bloom, as cited from Brainy Quote

joining in the frenzy
is turning into a hobby
a primal urge is tempting
it’s addictive to some degree
offensives are being launched
against those groups who disagree
words are transformed into weapons
the timeline’s a target of a shooting spree

lines are being drawn
the political division is clear
name calling now reverberates
each group shouts a rousing cheer
a historical conflict will be prolonged
and will thrive in an antagonistic sphere
relationships will bear the incurable wounds
inflicted by retribution and reconditioned fear

RMP
2/27/18
Winnipeg MB Canada

PSYWAR

Hindi lang sa bala naipapanalo ang giyera
Kadalasan nga dahil ito sa mga propaganda
Kung kalat ang “fake news” ay ’wag nang magtaka
Nasa level na yan ng bias mo kung maniniwala ka

Liko na itinutuwid, tuwid na inililiko
Depende lang yan kung sino ang pasimuno
Kung galing sa kakampi kaisipan ay magtatagpo
Kung mula sa kalaban ang pinanggalingan ay bano

Wag nang pahirapin simple lang ang equation
Ang political survival ay nakabase sa information
Ang mali at tama depende sa mga pagkakataon
At kung paano napaikot ang isip ng mga kampon

Bawat mga kampo ay pare-pareho lang naman
May mga “spin doctors” na libre at binabayaran
May mga tagasunod na laging nag-aabang
At handang bumanat kung ang tirada ay kulang

RMP
2/26/18
Winnipeg MB Canada

MASO

pasa-pasa at hiraman
kailangang pagtulungan
tuloy ang laban
kahit na nahihirapan
unti-unti matitibag
pagsamahin lang ang lakas
patuloy ang pagpalo
patuloy ang paghampas

humihina na ang bato
unti-unti nang nababasag
ilang hataw na lang
tuluyan nang mawawasak
kung napapagod na
may iba namang hahawak
konting pukpok pa
at tuluyan nang babagsak

ngunit may nakisali
galing sa kung saan
hiniram ang maso
at makikipukpok lang
nung makitang mahina na
sila na ang nakialam
nang madurog ang bato
sila daw ang may kagagawan

ang masong hiniram
sila na ang gumamit
ang hiniraman
kanilang iwinaglit
nung kinukuha na
lalo pang nagalit
sa halip na katahimikan
kaguluhan ang inihasik

RMP
2/25/18
Winnipeg MB Canada

EDSA

pinatalsik ang diktadura
pinalitan ng taga Luisita
bago mag isang taon
may masaker na sa Mendiola
naging sunud-sunuran
sa dikta ng oligarkiya
at ng mga kaalyadong
galamay dati ng pasista

nagsisimula pa lang
naghiwalay na ng landas
yung mga dating pinalaya
balik sa likod ng mga rehas
kabi-kabila at sunud-sunod
ang mga naging pag-aaklas
ang tinuring na rebolusyon
isa lamang palang palabas

rebo ng masa
na inagaw ng mga dilaw
ano na ang nangyari
bakit ngayon ay nilalangaw?

kaya tuloy ang saya
sa palasyo at asyenda
para manatili ang US Bases
nanguna pa sa martsa
akala natin makabayan
eh tuta din pala
wala ring pagbabago
mukhang mas lumala pa

naging prayoridad
ang pag-usig at pagganti
sa halip na bayan
ang inuna ay sarili
utang na loob
dumagsa sa kakampi
kaya heto ang bayan
nasadlak sa pagsisisi

rebo ng masa
na inagaw ng mga dilaw
ano na ang nangyari
bakit ngayon ay nilalangaw?

maraming naloko
pati yung mga matatalino
elitistang isnabero
astang uring edukado
yung mga naki-ride on
ngayon ay mukhang gago
naging makabayan agad
kumampi lang kay Aquino

may utang na dugo
mga promotor ng EDSA
dugo ng mga magsasaka
na bumaha sa Mendiola
si Lean Alejandro
at si Ka Lando Olalia
ilan lamang sila
sa napakaraming biktima

rebo ng masa
na inagaw ng mga dilaw
ano na ang nangyari
bakit ngayon ay nilalangaw?

RMP
2/24/18
Winnipeg MB Canada

TANIKALA

Sa halip na palayain ikaw pa ang maikukulong
Ng mga katagang iyong pinagdugtong-dugtong
Parang silang tanikala na bumabalot sa yo
Hanggang di na makakilos puso’t isipan mo

Humahaba, bumibigat, lalong dumarami
Paikot-ikot, paulit-ulit ang mga sinasabi
Bumabagal, nagtatagal ang bawat paghakbang
Hindi matapos tapos mga araw na binibilang

Taludturan na naging tanikala
Rehas ang nabubuo sa bawat tugma
Bawat linya ay nagsisilbing banta
Gustong lumaya ngunit hindi magawa

Babalutin ng kalawang ang bawat bahagi
Habang tumatagal nawawala ang kakampi
May mga pagkakataon na naisasantabi
Kahulugan ng panulat sing dilim na ng gabi

Hindi na makagalaw malaki na ang sagabal
Ang saradong pag-iisip sintigas na ng bakal
May pag-asa pa kaya na malagot o mapigtal
Ang tanikalang nilikha ng kaisipang mapanakal

Taludturan na naging tanikala
Rehas ang nabubuo sa bawat tugma
Bawat linya ay nagsisilbing banta
Gustong lumaya ngunit hindi magawa

RMP
2/23/18
Winnipeg MB Canada

CUL-DE-SAC

“A dead end can never be a one way street; you can always turn around and take another road.” Bo Bennett

a journey goes on
yet you are looking back
something within is missing
when you’ve started to unpack

the truth emerges
when you saw the crack
a conclusion leads you now
towards a narrow cul-de-sac

RMP
2/20/18
Winnipeg MB Canada

KULTO

nanahimik ka
bigla kang bubwisitin
di lang napagbigyan
“warning” agad ang sasabihin
umiiwas daw sa katotohanan
kapag hindi ka nakikinig
kaya galit ang nililikha
sa halip na pag-ibig

hinusgahan ka na
gamit ang Biblia nila
sa mga nakilala ko
walang siyang pinag-iba
sa tono at daloy
ng mga salita niya
pati pag-iisip ng Diyos
pagmamay-ari na nila

magaling dumikit
sa mga nasa poder
mga bilang na inipon
kapalit ng pagpapel
nagtatago sa katauhan
ng mga pekeng anghel
may armadong bantay
sa matataas na pader

kapatirang walang laya
dinidikta ang bawat gawa
kapag may tumiwalag
may mga magtatangka
kasingtulis ng mga tore
kapag may pagbabanta
kung hindi ito kulto
ano ang tamang salita?

RMP
2/17/18
Winnipeg MB Canada

RANDOM #91

“The fears we don’t face become our limits.” Robin Sharma

sometimes
we’ve to unlearn
some of what we know
to run better on our own
and discover which way to go

sometimes
we've to ignore
the imaginary strings
to glide freely on our own
and finally liberate our wings

RMP
2/16/2018
Winnipeg MB Canada

SABAY KA LANG

minsan isang taon
sinusulit ang pagkakataon
bahagya man ang naipon
sasabay sa lambing ng panahon
magkasama man o hindi
tagumpay man o nasawi
may mga ala-alang
sadyang magbabalik muli

sabay ka lang
wala namang masama
kung iiwas ka mas walang mapapala

handog ay di mahalaga
ang asam ay ang pagsasama
kahit sa bawat pagtatagpo
may pagkukulang na madarama
hindi man maipakita
o lubos na maiparamdam
maaari namang lingunin
magandang mga nagdaan

sabay ka lang
wala namang masama
kung iiwas mas walang mapapala

wala naman sa bilang
kahit nga nag-iisa ka lang
ang pag-ibig na nadarama
maaaring pumailanlang
sa natatangi o kaibigan
anak, kapatid o sa magulang
makukumpleto ang araw
makisabay ka lang

sabay ka lang
wala namang masama
kung iiwas ka mas walang mapapala

RMP
2/11/18
Winnipeg MB Canada

WINDCHILL

tumitindi ang lamig
kapag ikaw ay dumating
ang iniipon kong init
binabawi mo sa akin
sa bawat ihip na hatid
ikaw ay napapansin
kahit saang panig
maaari kang manggaling

laging binabantayan
araw man o gabi
mabuti nang maghanda
kaysa sa magsisi
ang bugsong dala mo
minsan ay di masasabi
may takot kang hatid
yan ay di maitatanggi

hihina ka rin
matatapos ang taglamig
magpapahinga pagdating
ng tagsibol at tag-init
pansamantanlang malilimutan
mga dampi mong hatid
paghahandaan na lang
ang muli mong pagbabalik

RMP
2/10/2018
Winnipeg MB Canada

AKO AY SI PNOY (To the tune of Ako’y isang Pinoy by Florante)

Ako ay si PNoy na walang dyowa
PNoy na naging pangulo ng ating bansa
Ako’y sanay sa yosing gawang banyaga
Ako’y si PNoy na mayroong ubo at hika

Mahal ko ang bansa ang lagi kong salita
Bayan ko ay ginatasan
Ng kapartido’t mga kabarilan

Tanda nyo ba noon nung ako’y nagwika
Sagasaan man ng tren ako ay handa

Pasensiya na kayo kung ako’y nabigla
Minsan di ako nag-iisip bago magsalita

Mahal ko ang bansa ang lagi kong salita
Bayan ko ay ginatasan
Ng kapartido’t mga kabarilan

Ako ay si PNoy na walang dyowa
PNoy na naging pangulo ng ating bansa
Ako’y sanay sa yosing gawang banyaga
Ako’y si PNoy na mayroong ubo at hika

RMP
2/10/2018
Winnipeg MB Canada

DUTERTE (Torete Mura Version)

Sandali na lang
Maaari nang banatan
Kalusin na nga
Maaari nang posasan ang
Kanyang mga kamay
Hindi na yan aabot sa langit
Ang kanyang mga labi
Ay di na masisilip

'Wag kang mag-alala
Di ito ibibintang sa'yo
Kahit na may maglaglag
Si Duterte ang bahala sa yo

Ilang lakad pa nga lang
Marami nang nagtatago
Mga adik at mga tulak
Nanlalamig nanginginig lalo

Akala nila nung una
May takas sa ganito
Tangkain mang umiwas
Marami pa rin ang magtuturo

Duterte, Duterte ang bahala sa yo
Duterte, Duterte ang bahala sa yo

'Wag kang mag-alala
Di ito ibibintang sa'yo
Kahit na may maglaglag
Si Duterte ang bahala sa yo

Duterte, Duterte ang bahala sa yo
Duterte, Duterte ang bahala sa yo
Duterte, Duterte ang bahala sa yo
Duterte, Duterte ang bahala sa yo

RMP
2/8/2018
Winnipeg MB Canada