BOTE

Hawak-hawak mo pa ako noon at ayaw na ayaw bitawan
Enjoy na enjoy ka pa sa mabilog at matigas kong pangangatawan
Naaala ko madalas noong una kong maramdaman ang malambot mong mga kamay
At ang mga labi mong dumadampi sa akin kaya hindi ako mapalagay
Tumitindi ang init habang ikaw ay natatangay
Kapag nag-iisa ka ako ang kasama mong tumambay

Pero tulad rin ng dati ikaw ay aalis
Ako ay iiwanan taglay ang iyong hinagpis
Said ang laman muling mag-iisa sa tambayan
Maghihintay sa tulad mo kapag muling nagkalaman

Umiikot lang ang  buhay ko sa mga katulad mo
Nagmahal, nasaktan para makalimot ay humihingi ng saklolo
Nilulunod ang nararamdamang sakit na kasama ako
Hindi maka- move on move on kapag nagsosolo
Mga pusong parang hindi kaya ang maiwang mag-isa
Sa kahahanap ng bago lagi na lang natataranta

Takbuhan pag may problema, tagasambot ng sakit
Para makalimot ginagawa lang na pantakip
Nagpapaluwag sa mga damdaming sumisikip
Pansamantalang init sa lumalamig na pag-ibig

Kaya sana sa susunod mong pagpunta wag mo na akong hanapin
Lalong lalo na kapag meron ka nang bagong kapiling
Ayos na sa akin na kahit minsan ikaw ay pansamantalang pinagaling
Kahit bigay ko ay isinuka ok lang naman sa akin
Tanggap ko naman na kahit kailan hanggang doon lang ang papel ko
Kasama sa pagtambay, labasan ng problema mo
Babalik at babalik ka pa rin doon sa nanakit sa iyo
Kaya minsan naiisip ko sarili ay ipukpok sa ulo mo

Pero hindi na bale ako ang maiwan, basta sumaya ka lang
Ang mga katulad ko dapat alam ang dapat na lugaran
Kaya ok na siguro ganito na lang ang parte ko sa iyong space
Tulad ng mga kasama ko ibabalik lang naman ako sa case

RMP
4/22/2017
Winnipeg MB Canada