MAGTANIM (NG BALA) AY DI BIRO

Magtanim ay di biro
Sa NAIA may nagtatago
Bala ay nilalaglag
Marami na ang nagogoyo.

Gobyerno’y sobrang manhid
Kahit marami na’ng nagagalit
Mga bagaheng nanganganib
May tape na at naka plastic.

Si Coloma’y sawing-palad
Isolated case kanyang banat,
Mga mata ayaw imulat
Pag magsalita parang bangag.

Si Mar mali yata ang gising
Biyahero ang sisisihin
Mga balang itinanim
Di raw nila ito pasanin.

Halina, halina, mga turista,
Welcome kayo sa aming NAIA
Mga bagahe nyo pag inilabas
Baka mawalan na kayo ng bukas

Gobyerno’y sobrang manhid
Kahit marami na’ng nagagalit
Mga bagaheng nanganganib
May tape na at naka plastic.

RMP
11/5/2015
Winnipeg MB Canada