RANDOM #120

“You are not required to set yourself on fire to keep other people warm.” Unknown

some situations are beyond our control
some matters are beyond our reach
there are things we cannot change
there are lessons we can’t teach
no matter how good our intentions are
we can only do so much
some will value what we’ve done
some are simply out of touch

some eyes are hooked on us
some are doomed to compare
they will always yearn for more
ignore what was already there
there is nothing we can do
if they look the other way
they will always find a reason
to be ungrateful every single day

RMP
10/30/19
Winnipeg MB Canada

STYLE NYO BULOK!

Mangungumusta pero may hidden agenda
Medyo paligoy-ligoy muna bago siya tumirada
Kapag naka-tyempo eh maghanda-handa ka na
Kung kayang pagbigyan eh wala namang problema

Ang siste nga lang ay kung susunod sa ipapangako
Madalas kasi yan ang dahilan ng hindi pagkakasundo
Pinagbigyan mo na tapos parang bulang maglalaho
Sa bandang huli ay ikaw pa ang gustong sumuko

Style nyo bulok, lumang tugtugin na
Kailan babaguhin ugaling mapagsamantala
Style nyo bulok, lahat naman tayo nagigipit
Makipag-usap ng maayos kung di agad maibabalik

Dadaanin sa bulagas saka may astang gentleman
Pipitasin ang mga bituin at susungkitin ang buwan
Ang mga pananalita sa tamis ay nilalanggam
Ingat-ingat ka baka gusto ka lang tikman

Buti nga kung tikim lang eh baka lamunin ka ng buo
Baka nga pati perang inipon ay unti-unting maglaho
Forever ang pangako pero kapag nakuha na ang gusto
Kapag minalas malas pa ikaw pala yung nasa video

Style nyo bulok pero marami pa rin ang naloloko
Hanggang may paniwalain iikot ang mundo nyo
Style nyo bulok pero maghintay-hintay lang 
Ring in tandem baka kayo matiyempuhan

RMP
10/05/19
Winnipeg MB Canada

TAO NGA NAMAN

Maaalala ka lang kapag may hihinging pabor
Minsang di mapagbigyan kahol na nang kahol
Lahat kalilimutan pati magandang pinagsamahan
Sa huli ay ikaw pa ang lalabas na mayabang

Para bang wala ka nang iniisip na iba
Kung makapag-request parang sigurado na
Kung alam lang sana nila taglay na problema
Sa halip na makabawas ay dagdag pa nga sila

Tao nga naman, sarili lang ang iniisip
Pag di makuha ang gusto sa’yo pa magagalit
Tao nga naman, minsan di mo maintindihan
Ibigay mo man lahat lagi pa ring may kulang

Hindi makuntento lagi pa ring maghahanap
Namamahay sa isip araw-araw na pagpapanggap
Umiikot ang mundo sa mga bagong nakikita
Hindi pa mapakali kapag umaasenso ang iba

Hindi matahimik lagi na lang nagkukumpara
Dapat ganito, dapat ganyan, nasaan ang hustisya?
Araw-araw nagtatanong bakit ganito lang ang sa akin?
Maaawa sa sarili tapos ibang tao ang gustong sisihin

Tao nga naman, mamamatay sa inggit
Di pa nga kumukupas gusto na ng kapalit
Tao nga naman, minsan di mo maintindihan
May kinakain na may gusto pang ibang tikman

RMP
10/04/19
Winnipeg MB Canada