Bago pa lang umalis ay naramdaman ko na
Mukhang di pa ubos ang inilabas kanina
Pero ok lang sa isip ko baka hangin lang
Sige tuloy ang pagtakbo tuloy ang paghakbang
Makalampas lang ng Munroe muling nagparamdam
Mukhang magkakaroon ng matinding bakbakan
Plano ko pa naman na tumakbo ng 21
Bahala na ang sabi ko itutuloy na lang
Lumampas ng Kimberly, McLeod ay dinaanan
Pagdating ng Chief Peguis simula na ang laban
Agad na bumalik sabay sabing mukhang eto na
Kapag di napigilan ay malaking disgrasya
So after 5K agad na nga akong bumalik
Mga balahibo nagsimula nang tumindig
Another 5K pa ang kailangang kong takbuhin
Kaya sigurado na sa daan na aabutin
Buti na lang at may Tim Hortons akong nakita
Makalampas ng Springfield ay tanaw mo na s’ya
Wala na akong choice di ko na talaga kaya
Nang ako ay dumating ay may gumagamit pa
Hintay lang ng konti tiyak makakaraos din
Wag masyadong gumalaw, huminga ng malalim
Salamat sa wakas ay nagbukas na ang pinto
Tagumpay ang sigaw mula sa pagkakaupo
Buti na lang may Tim Hortons ako’y nakaligtas
Malaking kahihiyan kung inabot sa labas
Pero hindi pa lubos ang nakuhang tagumpay
Mukha ngang may round 2 pa pagdating ko sa bahay.
RMP
07-17-22
Winnipeg MB Canada
